نئچه ایل سورا گلدیم. بیزلری یادیندا اولان وارمی؟

گینه قالیر بوراااا ؟

قوجالدیق

بیر سس

اوره‌ییمی آپاریر

باخیرام گلیشیندیر؛

بیر سس

اوره‌ییمی تؤکور

ائشیدیرم گئدیشیندیر؛

گؤزوم چیخسین

قولاغیم باتسین

بوراخ

من اؤلوم

چکدیییم اسینتی‌لر

آرادان چیخسین!

(فریبا مرتضایی)

اوره‌ک داریخما ندیر کی –

اوره‌ک داغیلان یئرده؛

قایید گل ،

سن تؤک – داغیدی سئورسن !

(فریبا مرتضایی)

سانما

کیچیک گئدیشین

بؤیوک سئوگیمیزی

بیتیره‌جک...

(فریبا مرتضایی)

داریخدیریر منی سنسیز لیگین آغیر هاواسی 

گومانسیزام بو یامان دردیمین اولا چاراسی 

یاغیش یاغاندادا لاپ چؤخ آلوولانیر اوره ییم 

چتین چتین ساغالار باغریمین درین یاراسی

نسرین وحید عبانیا

لیلالیغیما

مجنونلوغون چاتمادی

 سئوگیلیم ...

اوره گینده کی سؤزلر

گؤزونده بیتیر

گؤزومده آلیشیر

و یادا بیر گولوش جالانیب اوزونه ، یاندیریر منی

بیلیرم

سؤزلر بوغازیندا کؤک آتمالی دیر

هئچ اولماسا

بیر آن باخیشینی یئره سوزدور

گؤزلریم دویونجا یاشاسین سنی

سن ایشیق

من قارانلیق!

سندن ایشیقلیق آلدیم.

سن گونشسن...

یاشاییشسان...

من ده...

آیام!

باشینا دولانماق ایچین

یئرین قاداسین آلارام!

قوشلاری سئویرم دئدیكده

اونلاری قفسه سالدین

بالیقلاری چوخ ایسته‌ییرم دییه

قیزاردیب یئدین

چیچكلره وورغونا دئیه- دئیه

قیریب سولدوردون

منی سئویرسن دئیینده

جانیما قورخو جالاندی....