گؤروشومه گلنده

تام گل

اوره یین له 

اللرین له

گؤزلرین له

دوداخلارین لا گل

اؤپ منی دوداخلارین لا

گؤر گؤزلریم ده کی سئوگیمی گؤزلرین له

دؤکون الیمین سئوگی دن اسه ن تیتره یی شین اللرین له

اؤپ، گؤر، دؤکون

سونرا سئو منی تام اوره یین له

سئو منی

سئو سئوگیمی

سئو سئوگیلیم...

s.y

تامارزی قالدیم گؤزلرینه

باخیشلارین لا یانمایا

باخیشلارین دا تیکیلیب قالمایا

تامارزی قالدی اوره ییم سئوگینه

حسرت دؤغولدو کؤنول آغاجیمین بوداغ لارین دا

سیزلاییر اوره ک

سیزیلداییر سن سیزلی یی

آغلاما کؤنول

البت بیر گون گله ر

سیزیلتینی دویوب 

هایینا های وئره ر

آغلار اودا سن سیز لی یه

کؤنول آغاجی نین بوداغ لاری البت بیر گون حسرت یئرینه چیچک لر له دولار

(s.y)

هانسی اوباداسان؟هانسی ائلده سن؟

کیمین اوره‌یینده،هانسی دیلده سن؟

هانسی ماهنی‌داسان؟ هانسی تئلده سن؟

من سنه حسرتم، من سنه آرزی،یوخلوغون چئویریب ائدیب تامارزی.

سنین اوره‌یینه سیغینمایان من

سئوگی ننی‌سینده اوونمایان من

سنین خاطیرینه توخونمایان من!

من سنه حسرتم،من سنه آرزی،

یوخلوغون چئویریب ائدیب تامارزی.

.....

بيرتئل ائيله باغلاميسان ‍-

     اوره ينه .

       اوره  يمي .       

 

هارا گئدسن اودا گئدير.

            بوينو باغلي -

     دلي كيمي .

              مني گورن -

      داشا باسير.

 

            سني گؤ رن-

 

        دلي اولور..

قاپیمین آغزینا سو چیله میشم

ایسته سن بو آخشام گؤروشومه گل

باخما شه هریمین سویوق قیشینا

قوجاغیم سیجاقدیر، سن اوشومه، گل

یوردومون توپراغی دوزلاق دا اولسا

ایزلرین یوللاردا چیچکلنه جک

قارانلیق گئجه ده گؤروشسک ، گؤیدن

اولدوز النه جک، نور النه جک