نه سئوینج

نه گولوش

نه بیر دیلک

ساده جه 

اللریم

آتامین تیتره دییی اللرینین یئرینه اسسین

و

ساچلاریم

آنامین ساچلارینین یئرینه

آغ آپباغ اولسون

بئلیم اییی جه بوکولسون

ایسته دیم

---

من

آنامین 

آتامین یئرینه

قوجالماق ایسته دیم

...

هله پاییز یاخیندی

یارپاق اولوب

اونلارین یئرینه کؤچه بیلسه یدیم

(لیلا ابراهیمی)

بؤیوک بیر نیسگیل وار اوره ییمده

قوپان بیر  سئوینج 

بؤیوک بیر داغ وار کوره ییمده سانکی

ایچی دولو سانجی

آه...

داها بؤیوک بیر کدر ایچریده  سسله نیر

.

.

.

آجیشیر، اوره ییمده نیسگیللریم

سانجیر گؤزلریمی، سانجی لاریم

ییخیلیر کوره ییمده کی داغ

چکیـــــــــــــــــــــــــــــــــــــــــــــــــــر

آپاریر اوره ییمی

اوچوروما دوغرو

سس سیـــــــز - سمیــــــرسیز

.

.

.

ییخــــــــــــــــــــــــــــــــــــــــــــدی اوره ییمی  نیسگیللر

...

آه اوره ییــــــــــــــــــــــــــــــــــــــــــــــــم 

آه...

(لیلا ابراهیمی)

غیرتدن قوجالدیق

عارسیز - عارسیز یاشاماغا نه وار کی؟!!!

بیز!

غیرتدن قوجالدیق

سئومک دن دئییل..............

:)

بیر گوزل شعر

بیری واردی ، بیری یوخویدو                

اوکی واریدی سنی ایدین                                                              

اوکی یوخویودو  من

بیری ایسته دی ، بیری ایسته مه دی 

             

ایسته یه ن سنی ایدین       

                                                        

سندن باشقاسینی ایسته مه ین من

بیری سئودی، بیری سئومه دی     

         

او کی سئودی سنی ایدین  

         

سندن باشقاسینی سئومه یه ن من

بیری گلدی ، بیری گئتدی    

                  

اوره گیمه گلن سنی ایدین   

                                                             

اوره کلرده ن  گئدن من

بیری قالدی ، بیری قالمادی  

              

اوره  گیمده قالان سنی ایدین    

                                                           

سن سیز قالمایان من

واریدین    ، ایسته دین ، سئودین ، گلدین ، قالدین

یوخویدوم ، ایسته مه دیم ، سئومه دیم ، گئتدیم ،قالمادیم

    ایندیسه :

سن سیز حایاتدان دولو ، آجی غوربتده ، باغلی ایاقلاریملا ، قاچیرام گئجه دن

سنی آراییرام ، جانسیز ایشیقلارلا ساچیرام گئجه دن

دیلیمه جان دئیرم

منده بیر گون."قاتیغا" "ماست "دییردیم

هر دوز سوزه.یا دوز شئیه ده "راست "دییردیم

من "دوردی"یا "بر خاست"دییردیم

من" ائیرینی"گاه کج یا کی ناراست دییردیم

یا"ایسته دی"یه خواست دییردیم

......

بیر گون قولاغا گوش دییردیم

من "قئینمه گه"جوش دییردیم

یا گورنده"سیچان"ی" موش" دییردیم

"جانووا .سینسینه ده."نوش" دییردیم

اما دای من:یازیرام ساده دیلیمنن:

"سنگ"ه.من "داش" دئیرم .دای

"سر"ه.من باش دئیرم دای

"ابرو" نی.قاش دئیرم دای

"سن"ه.من یاش دئیرم دای

"تر"ه.ده یاش دئیرم دای

"سوپ"آ.دا آش دئیرم دای

ایندی من"

دیلیمه جان دئیرم

جانی قوربان دئیرم

ساخلایین گئدن قاتاری.

بوقاتار وصالدان حسرته گئدیر،

وطن اوره ییمد ن غربته گئدیر.

دئیه سن آیری بیر قیسمته گئدیر،

نه اولار،ساخلا یین گئدن قاتاری.

گولوشوآپاریر،گؤزیاشیم قالیر،

اوره ییم بوشالیر،گؤزلریم دولور.

بو قاتارآیریلیق هاواسی چالیر،

نه اولار،ساخلایین گئدن قاتاری.

زامانی دوغراییب بیچیر بوقاتار،

سئوگیمین اوستوندن کئچیر بوقاتار.

منیم گؤز یاشیمی ایچیر بوقاتار،

نه اولار،ساخلایین گئدن قاتاری.

یویورسم،چاغیرسام چاتا بیلمه رم،

قلبیمدن قوپاریب،آتا بیلمه رم،

گئتدی می؟ بیر داها توتا بیلمه رم ،

نه اولار،ساخلایین گئدن قاتاری.

منیم باهاریمی آپاریب گئدیر،

الینی الیمدن قوپاریب گئدیر.

قویمایین یاریمی آپاریب گئدیر

نه اولار،ساخلایین گئدن قاتاری.

نصرت کسمنلی