سیزیلتی اول اورهییمده
آغلاماق گؤزلریمده
و بیر کیچیک انتظار ایچیمده!
قادین اول
اینجه بئل
ماوی گؤز
آمما یاش آخماسین گؤزلریندن آغلاماق آدینا لوطفن!
گل
ایچینده کی آدامی گتیرمه
من اؤزوم سنسیز گلمیشم
بوتون کیتابلارینی گتیرمیشم
بوتون شعیرلر کی اوخودون
بوتون کافهلر کی آپاردین
بوتون تاکسیلار کی میندیردین
بیتیرمهیه گل
ایچیمده کی قیزی آت خیاوانداکی ایتلر یئسین
قورتارسین بو یوخسول سئوگینی!
اورهیین اودلو
گؤزلرین بولودلو.
اریمهسین او اود،
سیخیلماسین او بولود!
دونار اورهییم
ارییر گؤزوم.
قاپانماسین باخیشینین قاپیلاری!
قاپانار اوزومه اولدوزلارین باهاری.
ییخیلار قالام
تؤکولر دونیام.
اریمهسین او اود،
سیخیلماسین او بولود!
دونار اورهییم
قیش اولار ایچیم.
قوی ایچیم، ایچیم- ایچیم
اورهیینین اودوندان،
گؤزونون بولودوندان!…
آیلی گئجه ایدی
اوغلان پیچیلتیلا سئویرم دئدی
عهدیندن دونه نین گوزو اویولسون
آیدا عشقیمیزه قوی شاهید اولسون
اونلار آیریلدیلار
آیلی گئجه ایدی
اوغلان باشقاسینا سئویرم دئدی
آی گیردی بولودا
اوزونده کدر
قورخدو کی یئنه ده شاهید چکه لر
منیمله دانیشیب گولسن بیرده
اولدوز چوخدور