سنی اونوتمامیشام

منی بیر عومور اونوتدون 

اونوت ، اونوت ....آمما 

سئوینجه ، سئوگی یه ، عشقه ، وفایه ، آنداولسون 

آی خوش باخیشلی مارال !

من سنی اونوتمامیشام 

گئجه ، گونوز یولونو ایزله ین خیالیمدان 

اینانمیسان خبر آل 

من سنی اونوتمامیشام 

همیشه خاطیریمین گوز گوسونده حاضیرسن 

همیشه خاطیره تک دورموسان خیالیمدا 

و سن آی دلبندیم !

وئرنده ال - اله با هم گزنده یادلاریلا 

منی ده بیر یادا سال 

من سنی اونوتمامیشام 

سنی اونوتمامیشام .

اوزووی گوجاغیوا آل و یات!

سنین داغیلمیش اوریوی ییغان اولا بیلمز!

بو یغینتی کی گوروسن دولودی تهلیغینان!

Sıxır məni sıxıntılar

Sənnən çox şey istəmədim ki...Sadəcə mənim hər halimda yanımda olub,ömürlük mənim olmağını istədim

قاپینی آچدیم

یوللارا باخدیم

اوزاخدان گلن بیری واردی

تؤز، دومان نان اوزو گورونموردو

یاریم دیر حتما دئدیم

الیم ایاغیما دولاشدی

بیر قاب سو گتیردیم

تؤز، دومانی یاتیشدیردیم

باخدیم گلن یاریم دئیل

سسلدیم ائل ائشیدسین

تؤز ، دومان آلداتدی منی

کوچه له ره سو سرپیلسین 

یاریم دئیب دیر گله جک

یاریم گلنده، تؤز دومان منی یورماسین...

آغلیرام

آیـی می وئرمیـشم بولود الیـنه

ایندی اولدوز کیمی آخیب آغلیرام

سارامی تاپشیریب آرپا سئلینه

کوکسومه داغینی تاخیب آغلیرام

او گئـدن دن بـری بیـر دیـلـک کیـمی 

اودونـدا یانیـرام کپـنـک کیـمی

جانیمی چیخاردیب بیر کوینک کیمی

قویورام اونومده باخیب آغلیرام

اوره یـیـم یـئـنـه ده بـاغلیـدیـر اونا

عشقیندن گیریرم گونده مین دونا

سئوگیم بیر دنیزدیر او گوزل سونا

دردیـنـی گوزومـه یـاخیب آغلیـرام

کؤنلومده‎کی خاطره..

درین قویو دیبینده‌کی آغ کپیر کیمی.

نه اودا بیلیرم

نه آتا بیلیرم اونو.

او، منیم سئوینجیم

او، منیم کدریم‌دیر.

گؤزلریمین ایچینه کیمسه باخسا

اونو گؤره‌ر.

یازیق باخان، اوزولر، آجییار

آغـیر، غملی بیر حکایه دینله‌ین آداما بنزه‌ر.

نئجه کی،

تانری‌لار انسان‌لارین جانـینـی آلیب،

داشلاشدیرار.

سن ده ائله‌جه

منیم کؤنلومده داشلاشیب‌سان

کدری ابدی‌لیک یاشاتماق اوچون!!