فیرتینا اسدیریر, باخیشلارین کؤنلوم ده..

آیـی می وئرمیـشم بولود الیـنه

ایندی اولدوز کیمی آخیب آغلیرام

سارامی تاپشیریب آرپا سئلینه

کوکسومه داغینی تاخیب آغلیرام

او گئـدن دن بـری بیـر دیـلـک کیـمی 

اودونـدا یانیـرام کپـنـک کیـمی

جانیمی چیخاردیب بیر کوینک کیمی

قویورام اونومده باخیب آغلیرام

اوره یـیـم یـئـنـه ده بـاغلیـدیـر اونا

عشقیندن گیریرم گونده مین دونا

سئوگیم بیر دنیزدیر او گوزل سونا

دردیـنـی گوزومـه یـاخیب آغلیـرام