ایسته سن بو آخشام گؤروشومه گل
باخما شه هریمین سویوق قیشینا
قوجاغیم سیجاقدیر، سن اوشومه، گل
دنیزدن آیریلان، کویره دوشن
اؤلمک اوزه ره یم سونالار کیمی
نه اولور بو آخشام گل گؤروشومه
قوی باغرینا کؤچوم دورنالار کیمی
قاپینین آغزینا سو چیله نیبدیر
گل، بیزده بیریسی سنی گؤزله ییر
...دونن تویون ایدی
قاپینیزا گلدیم !
او کیمدیسه
آلماسین آتدی.
اویسا منیم آلمام الیمده قالدی
منده
اورهییمی آتدیم...
(علی انواری)
«سئومک ایستهمهدیم آمما دایانامادیم
کندیمی سنه بوراخدیم
سنین قوللارینا، سیجاک و کوچوجوک دوداقلارینا، اوتانان خومار گؤزلرینه
من سنین چیرپینان دیلینی، قیرمیزی دوداقلارینی اوزلهدیم
اوپوشمهیی سننن اؤیرهندیم ساعتلرجه نفس آلمادان
سن منه جان وئردین
من یاشاماغا باشلادیم نفس آلماغا
سنینله بیرلهشدیم و حسرتینده یاندیم
من ناسیل سنه کیابیلهرم کی؟!
"سئومک بیر اینتحار دیر"
من اینتحاری سئچدیم
سنی سئچدیم!»
(رسولی)
گوزگولره دولوبسان
بولودلار کیمی،
هر باخدیقجا اؤزومده تک سنی گؤرورهم.
آسیلمیشام دونموش باخیشلاریندان
یوکله میشه م یالقیزلیغی
باخت آللاه لارین چیینینه.
گوناهسیز بارماقلاریم
کاغیذلارا پیچیلداییر سنی!
جوم جومولوق سوکوتدا
دولموشدون اوره ییمین یوللارینا،
سن منده...
گئدیردیک
ال اله...
جوم جولوق...سوکوتدا
یاغیش یاغیردی گوزگولره...!
(سمیه خانمحمدی)
گیزلین پاچ اویناییریق
سن،
من،
بیرده تانری .
اؤنجه ،تانری یومدو گؤزلرینی
وبیز سئویشدیک گیزلیجه!
سونرا ،سن یومدون گؤزلرینی
تانرییلا من ساواشدیق گیزلیجه!
آنجاق من هئچ زامان یوممایاجاغام گؤزلریمی...!
دیجاللیق اولسادا!.
(عیسی زینی)
باخیشیم بیر گوله بنزیر کی سو ایستیر گوی دن
آغ بولوتلار باخیشیز تورپاقا دوشسون گوی دن
من سو تک کونلومو وئرمیشدیم آیا آخ نه بیلیم
اولا بیلمز گوزلیم آی یئره دوشسون گوی دن
ایندی بیر داش دیبینه آرخالانان قوش کیمییه م
قورخورام باش گؤزومه داش یاغا یئردن گوی دن
من اوشاقلیقداکی اولدوز لاریمی آختاریرام
تاری آخ آخدی هارا ائی بئله اولدوز گوی دن
بیر قارانلیق گئجه دیر سانکی گونش داردا قالیب
هانچی بارماق ال آتیر بیر دوگون آچسین گوی دن
قیتلیغ ایللردی یاغیش یاغمیری گویدن نه بیلیم
گوره سن کیم گله جک حاققیمی آلسین گوی دن؟!
مدح ائدیرم سنی
قیزاریرسان
ایلکین آلما کیمی
وسوسه اولورام یئنی بیر گوناها
(آیدین آراز)
آغلاییرام
گئدیرسه ن
شلاله دن اوزولوربالیغلار
قاییتساندا
قاییتمایاجاق
بالیقلار
بيرکو لگه م وار
يئره اوزالي
من اوچون دئییل
بيرقوجاغيم
هئچ منی ايستي لتمه ير
گل باغیشلاییم سنه
بوفایداسیزلاری
پای بولوش ائلیک هر نه ایمیز وارسا؟
قاتیب پایلاشاق هر شئیی تزدن؟
شوبهه لی
قورخولو
گئجه لر سندن
آی
گونش
یاخاموز دا مندن.
داریخماق
سیخینتی
آغلاماق سندن.
سئوینجک گولوشون دوداغی مندن.
کارلی چیخارام بو آلیش وئریشدن
بیر دفه الینی وئرسن منه سن.
ائله
بئله جه آلدانیر آدام.
سن
گؤز قیرپدین گونشه
منده
سئودالاندیم سنه.
ائله بئله جه...
اولدوز چوخدور