سنه دئییبلر كی، او سنی سئومیر.

اوزوندن، گؤزوندن اوخونمور سئوگی

آنچاق بونو دئین هئچ اؤزو بیلمیر

نه دیر صاف محبت ابدی سئوگی

سئوگی دیلده دئییل، هئی سؤیله‌یه‌سن

سئوگی گؤزده دئییل، گؤز سوزدوره‌سن

سئوگی اوركده‌دیر، گرك سئونده

هر كسدن گیزلیجه پنهان سئوه‌سن

Sıxır məni sıxıntılar

باغیشلا

بیر سؤزومله اوره یینه توخوندوم/

یالواردیغیم سؤزلریمه باغیشلا/

ایسته ییرسن گل دیلیمدن آس آنجاق/

سنی سئون گؤزلریمه باغیشلا/

هارا گئتسه ، سیزه طرف یول آلان/

یالنیز سنین آتشینه قالانان/

ناخیش – ناخیش ایزلریمه باغیشلا/

اؤزون یازدین اوره ییمه آدینی/

سن گؤستردین محببتین دادینی/

اینجیک لیین آتشی نی اودونو/

کوله دؤنموش گؤزلریمه باغیشلا.باغیشلا.......

باخدین اوزانان یوللارا… 

گئتمه- دئدیم! 

گئتدین. 

یولوموز هاچالاندى. 

نه قارا گئیدیم، نه ده قیرمیزى. 

دؤشلرده شلاله‏لر شاققیلتیسى، 

تورپاقدا ساریلیق آزارى، 

نؤودانلاردا بوز سالخیمى، 

اؤتوب کئچدى پرده- پرده. 

سسینى آلدیم ، 

اوزانیب گلن یوللاردان 

گلمه – دئدیم!

گلدین. 

آه، دوغروسو حئیرانام 

بو گئدیشه، بو گلیشه…!