یئنه بو شهرده اوز اوزه گلدیک

نئیله یک آیریجا شهریمیز یوخ

بلکی ده بیز خوشبخت اولا بیلردیک

بلکی ده خوشبختیک خبریمیز یوخ!

آرادان نئچه ایل گئچیبدیر گؤرن؟!

تانییا بیلمه دیم منی باغیشلا

من ائله سانیردیم سن سیز اؤله رم

من سنسیز اؤلمه دیم؛ منی باغیشلا!!

                                     (رامیز روشن)

                                                                         

عزیزیم آمان گون ده

آه گونده، آمان گونده

سن سیز بو یازیق کؤنلوم

نئیله سین یامان گونده؟!!

بیـری واریدی ... بیـری یوخویدو ... بوتون ناغیلیمیز ائله بویدو!!

گیزلین ده قالما

بیر زامان آلما هیوا اویناردیخ

"آلما دئسم ... گل!

هیوا دئسم ... گلمه!"

دئییردیخ!

ایندی گل آلما هیوا اوینیاخ سنله

اوندا من دئییرم سنه

آلما...

آلما...

آلما...

بس دی دا!

گیزلین ده قالما!

دامجی دامجی سنه لای لای دئدی قوینومدا منیم

نه دئیم بلکه سنی کورپه یه اوخشاتدی یاغیش

او قدر مستیدیم هئچ بیلمدیم آخیر نه زامان

سینه م اوسته ساریلان تئل‌لری ایسلاتدی یاغیش

سورا بیلدیم آپاریب قورد کئچینین شنگولوسون

سنی مندن آلیب آنجاق منی آلداتدی یاغیش

اؤلوم قوندو دووار اؤسته،

اوره‌یمیدن بیرداغ کئچدی

بیرده سن!

آنجاق سنی

ائله گیزلی

ائله گیزلی

خاطرلادیم کی

اؤره‌ک اؤلچن دزگاهلاردا دویمادی

اونلار تکجه

کاغاز اوسته

داغ عکسینی چکدیلر...

وَ سن...

 قاییدیب بیرده منی سِئوه جاقسان,اما اؤ گون من سنی

 اونوتموش اولاجاقام....

دئمیره م بو سئوگی 

دنیز تک درین

دنیز تک ماوی

دنیز تک سون سوز

اما گوزلرینده بوغولماقی

قوجاغیندا یوخ اولماقی

دنیز لر بویدا سئوه جه یه م 

بو سنه سون سوز

نئیله یم 

هیچ کیمیم یوخدور خبر وئرسین سنه 

اورگیم داریخیر گئجله لر تک

سنه ...

قوشولدی 

یار ایلن گئتدی اوره ك ،

غم قالدی 

من قالدیم ...

دیندیر مَدی ای دل سَنی جانان ، عجب اولدی 

ائتـــــــــــدین نَه قَدَر ناله و افغان ، عجب اولدی 

یوُز دفع دئدیم وصل تمنـــــــــــاسینه دوُشــــمَه 

یاندیْردی ســـــنی محنت هجران ، عجب اولدی

هله‌ ده سؤز‌لریمدن دولوب- داشیرسان

چوخالیرسان ماهنیلاریمین درینلیگینده

یئرسیز سندن دانیشماماغا چالیشیرام.

فصیل‌لرین الینی اوخوموشام

سن غوباردا ایته‌جكسن دئیه

باشیمی قاتیرام،

آنجاق الیم سؤزومه باخمیر-

پنجره‌نین جامی اوزرینه

آدینی توخویور…

سوگیلیم

من هله ده

دایانیب دونگه ده یول گوزله ییرم

گوزومو زیلله یه رک او اوزاق لاردا

سنی ایزله ییرم.

اینامیم وار بونا، من ...

بیلیرم بیرگون سن ...

بیر پری تک بورونوب آغ ایپگه
بیر قوجاق لاله ایله گله جک سن، گوروشه

گوزلریم باغلی دئییل

باغلییام سنه

گئتمه یین قالماغین

اوز الیند ه دیر

من تکجه سئویرم

سئوم ه کدن باشقا

بیلمیره م هئچ نه

گلیر ه م گوزونده 

یووا سالماغا

گوزه لیم 

باخیشین بنزه ییر 

اناتورپاغا آذربایجانا

درین یوخولارا جوموب دویغولاریم

کفن گئیب, مزارا یاتان دیری بیر اولموش آدام کیمی!

دؤنوب سن سان, اوره ییمین دامارلاری

سؤنوک کؤز کیمی سس سیز

اؤلسون بو عزرائیل یؤلون گؤزله یه ن یتیم باخیشلار...

جان وئر یا رب, قبله یه اوز توتان تنیمه

اومود یاغ قلبیمه

اؤلدور بو اؤلوم سئوگی سین اوره ییم ده..!

چوخ خاطره لر قالیب یانمدا

من ایسته میرم آپار گئدنده .......

ساچ‌لارینی بیر یول هؤروکلو گؤردوم

نه بیلیدیم او آن دا

منی آسماق ایستیرمیشسن!

ایندی اؤلومله یاشام آراسیندا

آسیلی بیر یاپراغام.

نه اولور آچ هؤروک‌لرینی

و یاشاما دؤندر منی.

یا دا برکیدیب قورتار

منی بو آسیلی یاشامدان!

اوره ییمز یاخین ...الیمیز اوزاق

بیریمیز گونشده ، بیریمیز آیدا

گَل بو سرحدلری آرادان پوزاق

حسرتلی حیاتدان آخی نه فایدا ...؟

یئنه اوزاق یول‌لاردا گؤرونمز اولدون سن

حیاتدا ایتیرمیشم ایزینی،

سنی یالنیز خیال‌لاریمدا تاپیرام

یئنه گؤی اوزونو بورویوب دومان

یئنه داغ‌لار آرخاندا گؤرونمز اولدو ...

بیلیرسن، سنی هاوایا بنزه دیرم

گاه توتولوب، گاه آچیلیرسان

ایستییرم گؤی گورولداسین

شیمشک چاخسین

دومان یوخ اولسون

اوزومه چیلنسین دامجی‌لاری

من آخی یاغیشی چوخ سئویرم ...

تانري  سؤيلديگين دوعا‌لاري، ائتديگين عمل‌لري، كسديگين قوربانلاري، وئرديگين صدقه‌لري قبول ائتسين.

قوربان بايرامينيز قوتلو اولسون