قوشلاری سئویرم دئدیكده

اونلاری قفسه سالدین

بالیقلاری چوخ ایسته‌ییرم دییه

قیزاردیب یئدین

چیچكلره وورغونا دئیه- دئیه

قیریب سولدوردون

منی سئویرسن دئیینده

جانیما قورخو جالاندی....

چیریل چیپلاق آنیلار خومارلانیر بئینیمده

ایکی صندل

ایکی ال

ایکی تورک قهوه سی

بیر آن دا جالانیر دامارلاریمدا

بوغلانیر بورنومدا

آخیر گؤزلریمدن.....

 

گله جکسن

گوزوم دوشدی تزه آیا

 دئدیم هلبت گله جکسن 

قند الیمدن دوشدو چایا

 دئدیم یقین گله جکسن

 اولدوزلاردان نور سوزولور

 اورگیم هئچدن اوزولور

 قاب -قاشیق ردیف دوزولور

 دئییرم دای گله جکسن 

گوروشوندن پای اومموشام

 گلیرسن گل یورولموشام

 گینه سوزومده دورمشام 

گله جکسن،گله جکسن 

دئدیلر کی عشقه،دالیب

 اوزگه سینه شوراه سالیب

 گوزلرینده گوزوم قالیب 

اینامیرام گله جکسن

 گلدیم گوردوم سوزلر دوزدو 

اورگیمی کدر اوزدو 

سئوینج منه دوداق بوزدو

 نه جور دئییم گله جکسن