نه یاماندی بو ایتیک لر...

او،من اولماسام یانیندا

اوزی هئچ یئره گئدنمز

بو سفر نولوبدی من سیز

اوزی ، تک قویوب گئدیبدی ؟!

چیله گئجه سی

تانری ,قار یئرینه چیچک یاغدیرار

اللرینی توتا بیلسه م.....

سن یاشا..

تانری منیم اوره ییمین باجاسیندان

شال ساللادی بو گئجه

اودا مندن پای دیله دی بوگئجه

منیم واریم : بیر سن ایدین بیر اؤزوم

سنی وئرسم چیلدیراجام دوشوندوم

سنه یانقی ، سنه توتقون ، سنه سوسوز

سنه آجام دوشوندم

تانری ائدی بو سئوگییه تاماشا

من اؤزومو وئردیم گئتدی

سن یاشا

"سوس قارانلیق بؤغولور..

گئجه یاریسی دیر

بوتون سارهوشلانیب یاریم دلی باشیم

سوزجوکرین قوخوسو دولوب اتاقیما

آققیشفالانیر دورت بیر دوواریم

گؤزل ناخیشلا ایز سالیر بوز باخیشیما

چیله نیر نغمه لر سو کیمی آلیشان روحوما

آچیلیر ایستک قاپیسی

تکرار لانیر ازل

تانریم دؤغولور...

"سوس قارانلیق بؤغولور..