آغلادیم،
اوزله دیم،
دومانلی داغلارین باشینا چیخیب
آدینی سسله دیم
آغلاماق وارسا،
اوزله مک وارسا،
نییه منیم یوخلوغومی آنلاییب، آغلامادین،
اؤزلمه دین...
سنین سئوگین جؤشور اوره گیمده
جوشقون بولاغلار کیمی
اسیر بوتون جانیمدا
یازین سئرین ائسن مه یئلینه تای
و
منده یاشادیرام اؤنو اوره گیمده
توکنمز سئوگی آتشی تک
ایچیم یانیر سینه م داغلی
دولانیرام قار پاپاغلی
سئوینجیمی یئله باغلی
ساندیم سن سیز بو شه هه رده
گونوم اولوب گوندن قارا
هارام واردیر گئدیم هارا؟!!!
یادا یالوارا-یالوارا
یاندیم سنسیز بو شه هه رده
اؤتور گؤروشمه یین واختی ، وعده سی
فیکریمدن بیر آجی گومان اؤتوشور.
قوپور ایچه ریمده اینیلتی سسی
عشقیمین سوناسی دومانا دوشور.
جاوابسیز سوواللار باش – باشا چاتیر
گؤره سن سئوگیلیم عهدینی داندی؟
اولمایا قلبینی اونودوب آتیر
بس نییه گلمه دی ، نییه یوباندی؟
گلدییی یوللاری قاریش با قاریش
باخیشیم ایزله ییر، گؤزوم آختاریر.
آنجاق جاوابلانمیر سونسوز آختاریش
دؤزوموم اؤزونه دؤزوم آختاریر.
اولدوز چوخدور