منی بیر عومور اونوتدون 

اونوت ، اونوت ....آمما 

سئوینجه ، سئوگی یه ، عشقه ، وفایه ، آنداولسون 

آی خوش باخیشلی مارال !

من سنی اونوتمامیشام 

گئجه ، گونوز یولونو ایزله ین خیالیمدان 

اینانمیسان خبر آل 

من سنی اونوتمامیشام 

همیشه خاطیریمین گوز گوسونده حاضیرسن 

همیشه خاطیره تک دورموسان خیالیمدا 

و سن آی دلبندیم !

وئرنده ال - اله با هم گزنده یادلاریلا 

منی ده بیر یادا سال 

من سنی اونوتمامیشام 

سنی اونوتمامیشام .