فیرتینا اسدیریر, باخیشلارین کؤنلوم ده..

آغلاما دئدیمسه، آغلاتدین منی، 

نه اولدو بیتیردین اؤجا سئوگینی؟

منی آغلار قویدون، اؤلدوردون منی 

منسیز حیاتیندا دئ خوشبختمیسن؟ 

منه اینانمادین دایم یوخلادین، 

سئوگیمی سایمادین، قورورا قاندین

امین اول سؤزوندن، دئمه آلداندین 

منسیز حیاتیندا دئ خوشبختمیسن؟ 

بو حیات اوزومه گولمه‌دی هئچ واخت

همیشه سیندیردی، یوخ ائتدی حیات 

دئ منسیز اولدونمو سن ایندی راحت؟ 

منسیز حیاتیندا دئ خوشبختمیسن؟ 

سئوگیدن اؤجادیر قورورون سنین. 

نه قدر عومرو وار سنین حیسسی‌نین؟ 

منسیز حیاتیندا دئ خوشبختسنمی؟